وداع حضرت امام حسین (علیه السلام)
کربلا دشتنینده عاشورا گونی
آز قالیردی باتماقا زهرا گونی
حق وباطل اوسته باشلاندی جدل
کربلا اولدی گلستان ما حصل
کسدیلر اعدا خیامین دوره سین
داندیلا مهر و محبت سوره سین
بیر طرف یئتمیش نفر آزاده خو
بیر طرف سایسیز سپاهیله عدو
الده هر کیمسه شهادت نامه سی
ایچدی بزم وصلیده قان باده سی
کئچدی باش و جانیدن آزاده لر
جان وئروب دلدارینه دلداده لر
کربلا دشتی اولوب کوه منا
تشنه لبلر ایچدیلر آب بقا
جانینی تقدیم ائدیب پیر و جوان
قالدی یالقیز سرور آزادگان
یکه تاز عرصه یوم الست
باده قالو بلی دن مست مست
ظاهر اولدی وعدگاه وصل یار
قالمادی هجرانه قلبینده قرار
هر نقدری سسلدی هل من معین
تیریله وردی جوابین قوم کین
گلدی اخیامه او شاه تشنه کام
اهلبیتی سسلدی منی سلام
خیمه ده اهل حرم خرد و کبار
آلدی شاهین دوره سین پروانه وار
وردییلر بیر سس سسه آغلاشدیلار
قالمادی بیر کیسمه ده صبر و قرار
بیر به بیر آلدی قوجاقه قیزلاری
آسمان عصمته اولدوزلاری
زینب صدیقه زهرایه نشان
گوردی قارداش آیریلر ائتدی فغان
سسلدی قربان اولوم گئتمه اخا
بیر دایان زینب سنه اولسون فدا
گئتمه میش بو قورخلی میدانه تک
بیر دولانیم باشیوه پروانه تک
شاعر : محمد هوشمند
متن نوحه ترکی زبانحال حضرت امام حسین (ع) در وداع با حضرت زینب (س) از حقیر خویی
بیر ,سسلدی ,آزاده ,اولدی ,دوره ,وداع ,محمد هوشمند ,امام حسین ,دوره سین ,کبارآلدی شاهین ,شاهین دوره
درباره این سایت